Yanvarın 24-də Xocalı rayon İcra Hakimiyyəti Aparatının inzibati binasının akt zalında rayon icra hakimiyyəti başçısı yanında Şura iclası keçirildi. Şura iclasında Xocalı rayon İcra Hakimiyyətinin başçısı Şahmar Usubov, şura üzvləri, idarə və müəssisə rəhbərləri iştirak etdilər.Xocalı rayon İcra Hakimiyyətinin başçısı Şahmar Usubov Şura üzvlərinin yeni tərkibinin təsdiq edilməsi, 2023-cü il üçün Şura iclasının iş planının təsdiq edilməsi, “Heydər Əliyev İli” çərçivəsində Tədbirlər Planında nəzərdə tutulmuş tədbirlərin təşkil olunması vəziyyəti məsələlərinin gündəlikdə yer aldığını diqqətə çatdırdı. Sonra Xocalı rayon İcra Hakimiyyəti Başçısı Aparatınında İctimai-siyasi və humanitar məsələlər şöbəsinin müdiri Lamiyə Qarayeva, Xocalı rayon İcra Hakimiyyəti Başçısı Aparatının Ərazi idarəetmə və yerli özünüidarəetmə orqanları ilə iş şöbəsinin müdiri Səxavət Hüseynov, Qarabağ Regional Təhsil idarəsinin Xocalı-Xocavənd rayonları üzrə təhsil sektorunun nümayəndəsi Xəyyam Cəfərov, Xocalı Rayon Gənclər və İdman idrəsinin rəisi Elməddin Bağırov gündəlikdə duran məsələlər ətrafında məruzə ilə çıxış edərək “Heydər Əliyev ili” çərçivəsində görüləcək işlər barədə məlumat verdilər.Şahmar Usubov gündəlikdə duran məsələlər barədə məruzələrə münasibət bildirərək öz tapşırıqlarını verdi. Ulu öndər Heydər Əliyevin həyat və fəaliyyətindən söz açan rayonumuzun icra başçısı Azərbaycan xalqı qarşısında Heydər Əliyevin gördüyü möhtəşəm işlərin heç vaxt unudulmayacağını, əbədiyaşar rəhbərin nurlu xatirəsi böyük hörmət və məhəbbətlə daim yad ediləcəyini bildirdi. Sonda gündəlikdə olan məsələlər müzakirə edilərək müvafiq qərar qəbul edildi.